Nasionale Vonkfiksiedag

Mei 16, 2012

Die bekende Afrikaanse skrywersplatvorm SA vryskutskrywer het ook vandag deelgeneem aan die eerste Nasionale Vonkfiksiedag wat deur skrywersverenigings in veral die Verenigde Koninkryk gereël is. Hierdie gebeurtenis het vandag, 16 Mei, plaasgevind.

Hulle het ook ‘n uitdaging aan al hulle Facebook intekenaars gestel om ‘n vonkverhaaltjie van honderd woorde of minder te skryf wat die bestuuderes, Leony Benghiat, dan op die organisasie se Facebook aanhangersblad geplaas het.

Daar het verskeie interessante kortverhaaltjies so ver op die blad verskyn. ek het self ook die uitdaging aanvaar. Hier is my nederige poging.

Coup De Gras

Deur: Johan Pieterse

Dit was veron derstel om ‘n vrolike dag te wees toe die kinders en onderwysers van Blomberg Hërskool op hul laaste eksamendag skool toe kom. Nog net enkele klasse skryf nog en meeste onnies doen al die laaste nasienwerk of stel al hulle puntekaarte op vir die puntebespreking.

Die opgewondenheid word egter gedemp toe almal die voertuie van die departementele amptenare in die skool se parkeerterrein sien. Die hoof staan met ‘n groepie amptenare en gesels. Almal lyk somber, asof hul die draers van slegte nuus is.

die nuus tref almal soos ‘n vuishou – weens geldelike tekorte word eie skool gesluit.

My hartlike dank hiermee aan SA Vryskutskrywer wat dit vir sy lesers moontlik gemaak het om blootstelling te kry aan hierdie nuwe opwindende genre van fiksie wat perfek inpas by ons gejaagde lewenstyl van vandag.

Besoek gerus hulle webblad by http://www.savryskutskrywer.co.za

One Response to “Nasionale Vonkfiksiedag”

  1. Johan Pieterse Says:

    Ai, hoe sluip so ‘n fout nou in. Dit moes eintlik Hoërskool wees.

    Like


Comments are closed.

%d bloggers like this: