Kan ‘n beurtkragkrisis ons weer tref?

Desember 9, 2009

Die Elektrisiteitsadviesraad het gister Suid-afrikaners aangeraai om hulle elektrisiteiitsverbruik met 10% te verminder. Die minister in die presidensie, Trevor Manuel, het gisteraand op televisie gesê EVKom het nie genoeg kragreserwes nie. Volgens die energiewet moet EVKOM ‘n sekere hoeveelheid krag in reserwe
hê ingeval een van hulle opwekkers by ‘n kragsentrale onklaar sou raak.
Ek reken ons sal dalk die vakansie sonder voorval kan geniet. maar wat gaan volgende jaar gebeur as almal weer terugkeer werk toe en die groot nywerhede weer hulle bedrywighede moet voortsit. Gaan ons dalk weer ‘n beurtkragsituasie hê soos wat ons in 2008 beleef het? Indien wel, hoe gaan ons ekonomie daardeur belemmer word? Watter skade gaan dit aan infrastruktuur veroorsaak? Twee jaar gelede is substasies beskadig as gevolg van aanhoudende kragonderbrekings. In sommige landelike gebiede is selfoontorings beskadig as gevolg van wisselende elektrisiteitsvoorsiening. Munisipale rioolwerke kon ook nie ten volle funksioneer nie omdat hulle pompstasies gaan staan het.
Kom ons hoop maar dat EVkom ‘n plan sal kan beraam om hierdie probleem op te los. Intussen moet ons maar krag spaar waar ons kan en onthou maar om jou voorraad kerse en batterye byderhand te hou. Diegene wat kragopwekkers het, sorg maar dat hy gediens is en gereed staan as die kragkrisis ons wel tref.

4 Responses to “Kan ‘n beurtkragkrisis ons weer tref?”

  1. Antie Koekie Says:

    Ja, my ding, jou antie sien sommer weer ‘n bevolkingsontploffing oor ‘n paar maande ——- wat moet die arme mense ok nou doen vir tydverdryf, so sonder TV, PC, Playstation, Wii of DSTV of DVD’s? Met net kerslig, sien ek HKGK!
    Kry nou net die arme eensame siele soos myself jammer; wat se kwaad kan ons nou so op onse eie aanvang?

    Like

  2. vuurslag Says:

    Hallo antie Koekie. Wat ‘n verrassing. Ja, ek sien ook daardie ding kom. Hierdie is gelukkig die ligter kant van die beurtkragduisternis. Maar wat gaan ons eensame siele met onsself aanvang?

    Like

  3. Retha Says:

    Hier by my was daar klaar vandag en gister kragonderbrekings, terwyl ek ook al vergeet het van sulke onderbrekings. Dalk kom dit waar julle bly ook.

    Like

  4. vuurslag Says:

    Die reënweer veroorsaak gereeld kragonderbrekings by ons, maar ons het lanklaas beurtkrag gehad.

    Like


Comments are closed.

%d bloggers like this: