Verkiesing 2009

April 23, 2009

Op 22 April 2009 het hordes van ons weer na die stembus gestroom om te gaan stem vir die regering wat ons vir die volgende vyf jaar moet regeer. Die uitslag was hoogs voorspelbaar. die ANC het so pas weer ‘n tweederde meerderheid gekry. die DA het sterker teruggekom en COPE lyk of hulle derde gaan kom. COPE was toe al die tyd nie so ‘n sterk party soos wat almal gedink het nie. Toe hulle verlede jaar gestig is was daar heelwat gesê oor die moontlikheid dat hulle die eerste ware opposisie vir die ANC sou wees in vanjaar se verkiesing. Daar was selfs intimidasie en geweld tussen COPE- en ANC-ondersteuners. Gisteraand is ‘n raadslid van COPE in Port Elizabeth doodgeskiet. Alhoewel hulle goed gedoen het, is hulle nie die sterk teenstanders wat die ANC gevrees het nie. Die groot vraag is nou: wat nou na die verkiesing? Meeste van ons weet dat die regering nie nou skielik hulle dienslewering gaan verbeter nie. Hulle gaan ook nie verkeerdstellende aksie afskaf nie. Ekonome het hulle vrese uitgespreek dat die markte negatief kan reageer op die nuus dat die ANC wel ‘n tweederde meerderheid gekry het omdat sakelui vrees dat die radikale linkse element binne die ANC die regering kan dwing om ons ekonomiese beleid drasties te verander, veral noudat die wêreldekonomie besig is om in te sink en werkloosheid en armoede ook in Suid-Afrika toeneem. Gaan die regering die omstrede grondhervormingswet wat verlede jaar in die parlement bespreek is maar toe op ys geplaas is, weer ter tafel lê?sal prisident Jacob Zuma dit onderteken? Hierdie wetgewing sou dit vir die regering baie makliker maak om grond van blanke boere te onteien. Die ANC het mos belowe dat hulle grondhervorming sou versnel as hulle aan bewind sou kom. sal privaat eienaarskap van besighede, grond en eiendom toegelaat word? Sal misdaad toeneem of afneem. Sal die verhouding tussen die verskillende etniese en rassegroepe nog verder geskaad word? Wat van die gehalte van ons onderwys in ons skole en universiteite? Slegs die tyd sal leer. Kom ons hoop weereens vir die beste.

%d bloggers like this: